حال الشباب عند سماع صوت البنت!!!!!لايفوتكم.

حال الشباب عند سماع صوت البنت!!!! لا يفوتكم


بسم الله الرحمن الرحيم

بصراحه الموضوع اعجبني وحبيت إني أنزله أتمنى أن ينال إعجابكم

[ندعوك للتسجيل في المنتدى أو التعريف بنفسك لمعاينة هذه الصورة]


كان في شاب نايم.. وبعالم الأحلام هايم..

مادري في ايش هو حالم

مره يحس انو يسوق سياره..

ومره يقول كنت مضيف طياره..

كان الجو بارد..

وكان متغطي وشارد..

[ندعوك للتسجيل في المنتدى أو التعريف بنفسك لمعاينة هذه الصورة]




رن التلفون

وقال يترى من يكون؟؟

هذا المزعج هل هو صديق ولا مزيون..

هل هو عاقل ولا مجنون؟؟

رد عليه وهو كله شك وظنون؟؟

وبـرقه بعد ماكان عصبي انو انسان حنون..

سمع صوت ماتوقعه.. :

ولا في خياله تخيله..

ولا حتى بحلمه سمعه....

بنت.. <<

قال هلا

وقالت اهلين..

نوره موجوده؟؟

قال وهو صوته رايح فيها...

لحظه شوي بناديها..

وجلست أصوت واقول نوره .. يامن نوره يلاقيها..

ورد للسماعه وقال مادري وين راحت الله يهديها..

بس دقيقة ماعندنا نوره!!

وبادر البنت خوف!!

قالت آسفه غلطانه..

قال ولا يهمك عادي لا تكونين زعلانه؟؟

مايهم اذا ماعندنا بالاسم فلانه..

قالت شكلك كنت نايم..

قلت لا.. توني قايم..

قالت تدرس ؟؟

قلت الدراسه خلاص باح..

انتي شكلك تدرسين؟؟

كيف اختباراتك ؟؟ عسى أنكم مرتاحين..

قالت باقي لنا ونخلص يومين

وخايفه والله من مادتين..

قلت من الاختبارات لآ تخافين..

دامج الليل تذاكرين..

وعلى الله تعتمدين..

واللي يزرع جح ( بطيخ ) ما يحصد يقطين..

أهم شي انك ماتنسين..

قبل الاختبار الله تدعين..

ومن إبليس تتعوذين……..

خلقه من نار وخلقنا من طين.. وجلسو يسولفو في أمور..

من شو اسمك الين غلاء المهور..

قالت اسمي (ود) وقلت لها انا امحمد..

وقالت صدفه غريبه اسامينا فيها دال..

تصدق كنت اتمنى يسموني نوال!!

تصدقين وانا كنت اتمنى يسموني جمال

وجلسنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي ينقال؟؟

وسكتو..

وبدلع..قالت أنت تشجع النصر؟؟

قال في قلبه. مادري أجاوبك بكف ولا بنعال..

بالله عليك هذا سؤال؟؟

قال أنا هلالي.. وما يهمني القيل والقال.. << احلى

هذا الكوماندوز هذا حبه طاح في القلب ولا ينشال..

والشمس مايغطيها مشخال..

قالت شمعنى الهلال!!..

قال يا بنت.. الهلال فن ولعب ويفوز باللي حضر..

وجمهوره له كلمة وامر..

يابنت..لا تغريني بالكثير..

لو تضربين مليون بصفر تساوي صفر.. << احم

و حتشرنا وشبينا.. بس بسرعه انطفينا..

الظاهر بعضنا هوينا..

وبدرب الحب ابتدينا..

قالت.. محمد..

قال آمري يا ود..

قالت اوصف لي شكلك..

هذا وين توهقنا..

شوفي العرب لونهم واحد

ولسانهم واحد.. واحلف بالله ولا غيره أحد

أني ماني طويل ولا قصير..

شعري ناعم مثل الحرير..

قالت والعيون..

قال العيون شبرين في ثلاثه اشبار

قالت اسد..

قال شكرا يا احلى شهد

المهم ان تواعدنا..

والموعد باجك في المول قررنا..

بين خوف وامل تواعدنا..

وقضيت ليلتي في حيرة..

وش البس؟؟ جنز ولا كندوره والله حيرة..

مافي غيرها يفك الحيرة.. شيشه و تعميرة..

ورجعت للبيت اعاتب امسي وابتسم لغدي..


وبصعوبة نمت.. قعدت اتقلب وون..

يا قلبي قلي شو اللي من الحب اهون؟؟

غريبه هالدنيا غريبة..

وراحت ليلتي.. وزادت بلوتي..

اليوم موعدي.. انا والحب بنلتقي..

وكشخت

لبست فوق راسي غترتي..

في مكان اللقاء تغيرت حتى خطوتي..

صرت ارتجف واترنح بمشيتي..

كائني انساق للموت وهاذي نهايتي..

مب سوالف شجاعة.. هذي اكبر بطولاتي..

ايذا خسرت بتضيع احلى امنياتي..

جلست ادور والف وحول المكان اطوف..


وين هذيك العين اللي عليها قلبي ملهوف..

ود؟؟ ياليت الناس تجي وتشوف..

وفجاءة..

وصلني مسج..

يقول..

سويتها فيك

رد بيتكم وخل عنك هسوالف ياتـعبان

روح نام ..

تعيش وتاكل غيرها

و سويتها فيك ..

:المرسل
الــــــــــــــــــوالده هههههههههههه